السبت، 30 أكتوبر، 2010

مُقتَطفه 14 ~

لا بوك لا بو الحبّ لا بو عيونك
خَرَبْت بيتي جعْل ربّي يجازيك

الحبّ يعني : مقدَر ابقَى بدُونك
...يعني أمُوت بْكل يا صاح مافيكْ

تعَال وارويني غَلا من جنُونك
تعَال ذوّبني وانا بين اياديكْ

بَغفَى وغطّيني بِـ راحَة جفُونك
واصحَى واضمّك لين أدفَى وادفّيك

مُقتَطفه 13 ~

يسعِد مسَى قَلبٍ من الطّيب مَصنُوع
قلبٍ تحَلّى بالصّفـات الجَمـيله

...قلبٍ ضُوى فيني قنَـاديل وشْمُوع
...وْحَارب جُرُوحي بالسّيوف الصّقيله

مساء وجنَات الخجل طول الاسْبُوع
من لحظَة الفَرقَى لساعة رحيله

الخميس، 28 أكتوبر، 2010

مُقتَطفه 12 ~

يا أجمَل صوت يَطربني .. يجمّل لي صباحاتي
يا أعذب همْس عانقْتَه صباح اليوم وانعَشني

...موسيقَى صوتك الدافي غزَت أقصَى مساحاتي
بدا ترتيلك الوَردي على الألحان ينقشْني

صبَـاحك ورد ياحلْمي .. يا أجمَل حلْم بَابْياتي
صبَاحك طير من حبّك يفتّشني وينبشْني

صباحك شعْر شابَهْني وصار اليوم مرآتي
وخلّاني قصيدة حبّ ..كلْما جاك يلطشني

الأربعاء، 27 أكتوبر، 2010

مُقتَطفه 11 ~


أنَـا مكاني فِـ الشّعر نَجمَة سْهيل
أملك زمام الأمْر ويّـا القياده

الشّعْر والنّجمَه وانا تالي الليل
نِصيغ من همّي حِزِن فوق عاده

وِنْدوّر الفَرحَه وموت الغرابيل
وْنبحث عَن الضّحكَه بِـ أرض السّعاده

ويْزيد بي حزني .. وجيلٍ بَعَد جيل
ألقى همومي فوق راس السّياده

الجمعة، 22 أكتوبر، 2010

مُقتَطفه 10 ~


اللي بِـ أمر الحب دايم يجادلْك
ويْقول إنّ الحب ماخوذ خيرَه

لاتعتقد في يوم إنّه يبادلْك
نفس الشّعور اللي انعطى دون غيره

لايمكن انّه بالمشاعر يعادلْك
لو كفّة الميزان تصبح ضريرَه !

الجمعة، 15 أكتوبر، 2010

مًقتطفه ~ 9

مِن يِسإلِك عَنّي فَلا هِنْت يا فْلان
قول : الحقيقَه حالَها ما يسرّك

ياخوي بعضَ الأصدقَا مثلَ الاخوان
إن ما نِفَعْك بْشيّ لا ما يضرّك

المشْكلَه لاجَاك صَاحب .. وخوّان
تكفيه في دنيَاه خيرك وشَرّك

وتْحَسّسَه إنّه بِـ طيبَتْك .. إنسان
ماتعتقد في يُوم إنّه يغرّك

ثمْ تنصدِم فيه وْيجازيك نِكران
وْمايكْتفي بالغَدْر ويْبيح سرّك