يآ الشّعر .. أعتذر .. مو طالع معي شيّ ..~!

انا آسف .. انا نادم .. وانا نادم وانا آسف

انا نادم على خوفي

من الدنيا أنا خآيف ..!

طرى لي طآري الفرقى .. وصرت البآني الهآدم ..

بنيت اسمك على قلبي .. ترى ما عدت انا شآيف ..

هدمته مو غصب عنّي .. ولكنّي انا نآدم ..

هدمته ماني بمجبر .. هدمته والزمن واقف !!

اثاريه الزمن واقف !!

لذلك اعذري قلبي .. تراني نادم وآسف !!

انا مقدر اكون اللّي .. يشيلك بالسما والليل ..

انا مقدر .. انا مقدر .. اشيل اسمك وانا خآيف !

ألآ يا طآري الفرقى .. حلولك دآمي ومؤلم ..

وانا اشوف القمر بعدك .. ضياءه معتم ومظلم !

على شآطي ملآمحهآ .. صايب بحرها جفاف .,

على ذيك الضّفاف ..

خدّهآ الأيمن يعآتب .. وخدّهآ الأيسر يخآف ..,!

وانا آيل للغيآب ..

عيوني أوشكت ترحل .. وانتهى وقت العتآب ..

لا للعتآب ..

والقمر صابه خسوف .. ماله سمآ .. غير رجفآت الألم .. وسنين العذآب !

انا نفسي مهو فآهم ..!

على شنهو انا نادم ,,.

على هجري ..؟؟ على خوفي ,.؟؟ على موتي انا نادم ..!!

خوفي مراجيح الزمن .. تتعثر بها رجلي .,

ولاقدر آقوم ..,

يآهي صعيبة طيحتي .. تكبّلني هموم وهموم !

خآيف آقوم ..

وانصدم فيك ياوآقع .. واشوفهآ تمشي معآه ..

في ذاك الوقت ألوآني ..بتذبل هذي الألوان

.. ويصبح وآقعي أسود ,, قديم وتكتمه الاحزان ..

واصير العاشق الهايم ..

نصف صاحي .. نصف نايم ..

ادوّر في الشعر جمله .. تعبّر لك عن الحاصل ..

انا فرحان ولاّ انّي .. عن اللي صار بك غافل .,!

نسيتيني .,؟ جرحتيني ؟؟.

وانا اضحك وانا اجامل .,

في نفس الوقت ..,

اضحك لك .,

في نفس الوقت استاهل ..

دموعي خانت يديني .. ترى ادري .. انا استاهل

اخون الوقت واتسابق .. مع اللحظات وآجي لك ..

يا إنتي .. مانتي انتي !!

تغيرتي .. تبدلتي ..

تركتيني وانا نادم ..

تظنيني بقول آسف ؟؟

لا والله مو آسف .,

ولكنّي ترى نادم ..,!

تذكّرته (ابو احمد) هذاك الشايب الخادم ..

هذاك اللي يشتغل عندك ..!

قرآ لي قبل ما يرحل .. وصيّة قرّبت موتي ..

كلما جيت بتكلّم .. نقزني وكتم صوتي ..

يقول اصصص بتكلّم ..

ياليتك تسمع وصاتي .,,

عليهآ انت لا تندم .. ترآهآ (عآهـ...)

قاطعته .. طلبتك لا تكمّلها ..

ياشين حروف هالكلمة يابو احمد ..!

مامدآني قلتها .. اثره توفّى ورحل ..

وانا عيني اليمنى توفّت .. وعيني اليسرى في الوَحَل ..

تلوّثت .؟؟

وادري لوّثتها عيونك ..

ضحكتك .. كذبك .. جفونك ..

صآير اسلوبي غموض ..!!

مقدر اكتب مثل أوّل .. صآير اسلوبي رموز ..!!!

انصب الفعل واجرّه .. وكسرة الفاعل تجوز ؟؟؟

صآير اسلوبي رموز !!

شوية اوراق وطلاسم .. شَعَر .. وابرَه .. وعجوز ,,!

ناحت على باب السّحر ..

عثّرتني وعثّرتك .. تعثّرنا سوى..

وباقي أثر ..!!

للندم ..

خآيف اكتب .. وش اكتب ؟؟

يآ الشّعر .. أعتذر .. مو طآلع معي شيّ ..!

يا الشّعر انا آسف .. مو قادر اكتب وآسف ..

على دمعي انا آسف ..

كلامي من ذهب .. وانا شايف سكوتي مثله مثل كلامي ..

مو قادر اسكت ..! ولا قادر احكي !!

بس نادم .. مو قادر ابكي !!

ياترى اقدر اشكي ..؟؟

ولمين ..؟؟ اذا كلّي حزين ,,.؟

تكبّلني خيوط الشمس .. ويغزيني الجفاف ..

على ذيك الضفاف !!

بقايا قصايد .. أحرقتها مواعيدك ..

بعدما غاب الغياب !!

انا جايك اقول آسف ..!!

وبعضي خآيف وخآيف ..!

من بعد طاري الفرقى .. انا نآدم .. أنا نآدم ..!

يا ( عاهـ..) كمآ قال ابو احمد !!

هذاك الشايب الخادم ..

صدق والله هالخادم ..

عآشريني بعدما تنتهي رحلتك مع باقي الشباب ..

بتلقيني انا نادم .. على إنّي سرآب ..

واذبحيني بعدما .. يصبح العآلم ضباب ..

كفّنيني بالورق .. واستسمحيلي من الشّعر ,,.!

ترى مو طآلع معي شيّ ..!!

ماني على قيد الحياه ..

بعد لحظات الرحيل .. وين الحياه ..؟

صبري على ضيم الزمن ..

لي جفّ ماه ..!

احاول انسى دمعتي .. واضحك على ظلم الشفاه ..

كانت تقول اسمي .. حسبي على ذاك الاسم .. ماعاد يعرف قيمتي ..

ما عاد يروي صورتي ..

ضايع ترى .. مالي اسم .. مالي نسب .. مالي ترى بعد السفر مالٍ وجاه !

سآفري ..

سآفري لاقصى بلادي وارجعي .. !

لا ترجعي ..!

توّي ارتّب للسفر وانوي لقاه !!

يا مسافره لا ترجعي ..

لمّي قصيدي واسمعي ..

باقي حروفي بعدما .. سالت دموعي ..واسمعي ..

هذا جديدي بنثره .. بين القطار ودمعتي ..

هذا جديدي يحتري .. ضمة عيونك في سماه : (

يا مسافره ؟؟

وين السما ..؟ وين المسا ..؟ وين الدروب الموصلة للي هواه ..

مثل الهوا .. مثل الدوى .. يشفي همومي والألم .. حتى وانا ماني على قيد الحياه ..!

يا مسافره ..

جف الورق .. حتى القلم ماتت وروده بعدما بُعدك غزاه !!

عودي يغنّي للوتر .. يابنت (عودي)

خلي السفر ..!

ضاعت وعودي ..!

حاضن ورودي واحتضر .. شوفي ورودي ..

والعود يعزف قصيدي .. ينطق ترى هذا جديدي ..

شوفي حروفي كلما .. زارت حروفك تحترق ..

والنار قبلك تحترق .. داخل وريدي !!

خلّي السفر ..

تو السفر يقرا جديدي ..

عودي .. ترى (عودي) .. مابعد غنى القصيد..

لا تسألي هل من جديد ؟؟

هذي حروفي كلها .. تعيد وتزيد ..

بعد السفر .. بعد الرحيل ..

شوفي ترى .. ماني على قيد الحياه !

وبعض كلّي آيل للسقوط ..

والبعض الآخر .. ينتظر لحظة وفاه ..

لا ترحلي ..

خلي السفر يعرف طريقه ..

وانتي وانا .. نندفن خلف الحقيقة ..

نرسم طيور ونحتضر ..

هلا بالموت .. لو ترحلي ..

هلا بيوم الوفاه ..

يا مسافره ..

ارحمي حال حيٍ .. ماهو على قيد الحياه ..

حاضن العود يبكي .. ينتظر يوم الوفاه