صدفه !

يا الصّدفه اللي جابته في دروبي
لي دقّ رقمي بالغلط ..قال غلطان

رديت اهزأ : لا تجي يوم صوبي
قال : اعتذر ماني على الصدّ قويَان

دوبي اقفّل.. قول قفّلت دوبي
قفّلت منّه واتصل قال ولهان

قلت امتزوّج .. قال بدري (عزوبي)
ما شدّ قلبي فـ العمر صوت انسان

من دون مااحكي يكتشف لي عيوبي
عارف طباعي قبل ما ينطق لْسان

ماكنت اظن انّي بتخفق قلوبي
من جابت الصدفه خطاويك يا فْلان

مانيب قدّك لا ولا منْك ثوبي
لكن خفوقي فزّ لك صدق من ثان

لايكون حبّك خافقي يالـ عذوبي؟
لايكون قلبي في موانيك عشقَان؟

أنت حلم .,~

**

ما قصدت انّك تنتظر ..
تبكي .. دموعك من مطر .,!
بس اعتذر ..
ادري تأخرت .. وساقني لحن الجنون ..
ساقني لحن الجنون ..
لك يابعد رمش العيون ..
وليه أتوه ..؟
دام اللحن ساقني لك ؟
ليه أتوه ..؟
**


**
دامني حلم .. إنت حلمي ..
دامني حلم ..
جيت بْزمن غير الزمان ..
عشت بْوطن غير المكان ..
دامني حلم ..
كل عمرك يا [ أنا ] .. باقي أنا لك يا الأمان .,
**


**
انا من كانت النجمه .. وانا ادري مصدر العتمه ..
قلوب الناس مو قلبك ..
يا نور الحرف والكلمه ..
انا من قالت الكلمه ..
ولكن حلمك المصدر ..
بدونك والله ما اقدر ..
اعيش العمر واتصبّر ..
بدونك والله يا حلمي ..
بعيش النور في الظلمه !
وما قصدت انّك تنتظر .. بس اعتذر ..
على التأخير يا كلّي ..
على كونك نطرت اللّي ..
هواها ما ملاه الاّ انْت ..
**

**
هذي انا .. والله انا ..
كنت في عين السَنا ..
ما توقّعت انْها انا ..؟
غبت عنك يا الهنا ..
رحت يا يوم المنى ..
ياللي قلبك في كفوفي .. نقش حنّا ..
رحت لايّام العنا ..
بهدم حواجز بيننا ..
لاجل اشوفك .. وارتمي بنكهة طيوفك ..
واروي شيبك من عطوري ..
وانثر الورد بكفوفك ..
مثل ما ودّك تشوف .. عذب الاشعار بحروفي
**


**
سألت عنك هالقمر ..
قلت وينه هالبدر ؟؟
شافني اسأل عليك ..
قال يا حلمه ترى .. عمره كلّه ينتظر ..
صرتي في عينه فراغ ..
لكن اني قلت له ..
ان قلبي يعتذر ..
دامني حلم ..
بكون له مثل النجم يم القمر ..
وانت يا حلمي انا ..
لك باقيه طول العمر !

حفلة زواجي

لا جيت ابكتب خلّصَت كل الافكار
مدري وش اكتب صاب عقلي ارتجاجي


صارت حياتي من رَحَل دون إنذار
مثل الظلام اللّي يعكّر مزاجي ..!


ساد الضباب وتسبقه زحمة امطار
ماغير ريحٍ كسّرَت لي زجاجي !


عقْب المشاعر والوَلَه صَار ما صَار
رحلَة شتا والبَرد صَعَّب علاجي


اخطار.. دَربي يا بشر كلّه اخطار
قلبي تعثّر من طِفَى بَه سراجي


باقي شَهَر وارحَل أنا بعد إصرار
بَعض البَشر ناوي يعجّل زواجي


يا ولد عمّي لك تَرى بَعض مقدار
ولْعلم قلبك لك يزيد احتياجي


كنّا صغار وليتنا باقي اصغار
يزعجْك دايم لو يبين انحراجي


صحيح صرنا في الهوى يمكن اكبار
مير الهَوى أدري بيطلق حجاجي


غدّار والله هالزمن صدْق غدّار
ما ظنّتي والله يفكّ انفراجي


ماعاد ينفع هالرّجا بعد ما صار
بعض البشر عَجَّل بحفلة زواجي