الأحد، 26 أبريل 2009

ضريــــــــــــرهـ



غرابه قلبي الباســــم بدونـــــك كلما يفرح
تغص الدمعه بنبضه وانا ادري بالدموع جبال




اثاري حظي العاثر نصيبه مالقى مطرح
في بستان الفرح ناسٍ تعدّه للأسى حمّال




تصدّق داخلي غصّة تعبّر دون ما أشرح
تنادي للأمل لحظة تعال وضمّني في الحال




اغنّي للفرح غنوة لعلّه بس ما يجرح
يجيني صوت يمنعني أغني للفرح (أحوال)




يابو نورة لك الهيبة ولكنّ الألم يرجح .,
على صوتك ويجبرني أغني للفرح موّال




(بقايا جروح) توصفني ., تخلّي حالتي أوضَح
وخالد بس يفهمني لعلمك فالهوى لا قال :




الا ياليتك تواسي عيوني دون ما تسرح .,
ياخلّي اترك الرّاحة دقايق دون ما تختال




وشوف الموت يعميني بدونك يجمع ويطرح
لقيته كلما اضحك ..يسوّي للحزن مدخال



وعيت ومزحة الدنيا ثقيلة لا بغت تمزح
على قول المثل مدري على قولة وسيع البال




هقيت الموقف التّالي بعد أيّام من ينزح
يروح وينّسي طيفه ولا يذكر ولا ينقال




رأيته حولَها يمضي يداعب يسرح ويمرح
يداعبها وانا كنّي بعد شوفه.. كما التّمثال




اناظر والجنون اللّي سكنّي والنّظر يذبح
تزوّجها يحَسب انّه بعَد ما ضمَّها رجَال




نسى عيني ياعين امّي عطيته نورَها واصبح
يشوف بعيني يايمّه وانا عميا وضاق الحال




ضريرة ضحّت بعينٍ لاجل من باعَها يربح
بعد هالتّضحية سمّى فضايلها (غرام اطفال)

السبت، 25 أبريل 2009

ريــــــــــــــــــآض



أبَنْشدِك يا صآحبــي والسّـــالفه عندي تقـــول
ذاك الفتى وش قصّته يسري على وجه البياض



ما صآبني من شوفتــه غير الهوايـــل والذّهــول
وش بك تقول انّ الذّهول أوشك يواجه الانقراض



إسمه على وجــه القمر وعيونه الخجــله تـجول
أرض الفيافي من هنآ لين الدّواسر والرّيــاض



جآر القمــر في طلّته واحساســه اللّي به ينول
كلّ الرّضآ من حضرتي لو قالوا ان اسمه رياض



امعَلّمــــك يا صاحبــــي عن طيبته ياهي تــطول
وجه السّما لو نفترض عن طيبته ألف افتراض



قلبه كبير وشوفته أشبــَه بلحظـــات الهــطــول
ما ينقبل يا صآحبي من شوفته أيّ اعتــراض



لا تعترض هذا رياض وبسمتـــه مثل السّيــول
نسّاني اللّي كدّر الخاطر من ايّامٍ في " ماض "



غير البشر يا صآحبي من شوفته همّك يــزول
إسمه (رياض) ومادَرَى وش يحمل اسمه من رياض

سما

سما .,
اثرك تعديت السما .,

واثري بعد لحظة رحيلك "مُظلمَه"

وين السّما ..,؟

طال الرحيل وظلّت الدمعة تسيل .,
بعد الرحيل., كلي على بعضي مُبهمه .,

جسمي نحيل ., وشعري الطويل .,
ماعادت اطرافه تعتني بي .,
بعد الرحيل !

تدري عيوني ماتشوف الا انت .,
من غير ظلّك " مُعتمه "

وانت راحل .,
تجبرك ذيك الشوارع .,
تحمل معك خوفي ., رجفة ايديني وانتظآري .,
لا ما يصير ., انت داري .,
بالألم فيني ., والمواجع .,
اجل ليه تجبرك الشوارع ..؟
ماحسّت بذاك الظّما ؟؟
ولاّ شافت غير أحضاني سما ؟؟

ياهالإنسان ., صبّرني ., على بُعدك
تدري دموعي ضايعة قبلك وبَعدك !
تدري دموعي بعد دينك اشركت .. ولا ترَى قبل طعناتك مسلمه !!

اجل وين السّما ..؟؟
ذابت اشعتها غرب ., واشرق الخوف بشمسها .,
وانا مااسمع ., لا ماسمع ! اثره بقايا همسها .,!

خلف الزمان السما .,
تمشي ترى عكس العقارب .,
والساعه تمشي مجرمه !
خانت وعدها للزمن .,
بعد الرحيل !!!
خانت وعدها للسّما !
وانطفى عطري الجميل .,
صارت اغراضي تشتمه !
يا ... يا .. يا ...
يامن على حبي بخيل ...
تقوى غرامي تكتمه ؟؟؟
كيف ودموعي على الغبرة تسيل !!؟؟
هان الغرام اللي قدرت بموت قلبك تعدمه !!

لا تقول انك سما .,

توني اكتشفت انك دون ارتفاع السّما .,

انزل ترى ما يستوي من عز قلبك تظلمه ..

من عرفتك .,
وانت ادنى دنو الأرض .,
كن القساوة فرض ., في شرعك ..
تمشي وتجرح وقلبك ., عيّا شموخي لا يفهمه :)

مثل ما قال الرويشد :
انت صحرا من مشى فيها يضيع .!

يكفي .,
غابت ضلوع السّما .,
ماعدت بعدك مُظلمة .,






الثلاثاء، 21 أبريل 2009

ألا ياعمري الراحـــل ضميـــرك بيّح المكنون
سلب مني احاسيـــسي وجفف روح كلمـاتي
**
ألا يا قســـوة الدنيآ خيـــآلك زارني مفتـــون
.تجمّـــل لي وانا غافـــل اظنّـــه يمحي آهآتي
**
ألا يا قســـوتَه خلّي نســــاني والغرام جنون
هويتـه بس لو يدري غرامــه صآر وجهآتي
**
ألا ياشوق لو تدري زماني في الهوى مطعون
طعـــنّي وانجرح صدري وخابــت فيه نظراتي
**
خيانة واقصمَت ظهري كسير وخاطري محزون
خيانة واجرَحَت فيني شـــعور العاشــق بذاتي
**
شعوري بالهوى ذابل ضميره في الزمان يخون
تخونــه نظــرة عيوني وذاك النــــور بشــفاتي
**
كتبت اشــــعار منثورة ولا بيتٍ بها مــوزون
ولا به بيـــت يجمعني ويجمـــع باقي اشتاتي
**
من اوّل بيت بس ابكي واطالب فالهوى قانون
يحاكمني وانا ظالــــم ويختــــم باقي ابيــــاتي
**
انا عنده انا الظالــــم وقلبي بالجفا مسكون
وانا مظلـــوم لو يدري بصادقــها عبـــاراتي
**
حلفت وقلت له مابه ســـواه بعالمي مدفون
ولابه شخـــص يستـــاهل احطــه في بداياتي
**
كتمت الشوق في قلبي حفظت الحب لو يكفون
وتالي العمـــر يطعنّي ويطعن كل رغبـــاتي
**
الا يا كل هالعـــالم حقيقة شلون ما تدرون!
كتبت ســـطور ترويني وذابت كل روايــاتي!
**
ألا يآ شــآعر اكتبني بلا راوي ولا يهونون
يا شــآعر باقي ابياتك...ولا هآنت نهــاياتي
**
نهاياتي تقول انّي انا الدايــن وانا المديـون
وانا النّــاوي على صدّه وانا النّــاكر علاقاتي
**
ياشين الظلم صار اقسى من انواع السيوف بدون
رحابـة صدر صاحبها وانا مظــــلوم باوقاتـــي
**
ألا يآ شآعر اترجّى تســـلّه سيفك المسنون
وتشهر حربــك بقلبـه وتعلن عن وصاياتي
**
ابيك تصيغني قصـة لها عبـرة لها مضمون
تثير اشـــعور من شـــكّك برغبــاتي ونيّاتي
**
تخلّي من طعن قلبي يصيـــر بطعنته مجنون
يشوف طيور مجروحة ترفرف في مساحاتي
**
ألا يآ شآعر افهمني قصيدك كامل ومزيون
ولك ديــــوان من قدك يعدّد آخر امـــواتي
**
انا من مات في حبي عددهم بالهوى مليون
وآخر شخـــص عذّبنــي وزوّد من معــاناتي
**
ولا به شـــاعرٍ غيرك يهيـــم بحالتــي بفنون
يا حامـد بس من غيرك يهيم بوصف حالاتي
**
والى منّي نسيت امسح دموع اللي عليّ يبكون
دخـــيلك لا تـــلوم اللّي تســـبب في عذابـــــاتي
**
نسيته واصبحت عيني تدوّر في الغرام عيون
بدون دمـــوع تجرحــــني ولا تقتــل هواياتي
**
ولا بسمح لذا الدنيا تعيّشني وانا مغبــــون
انا نادم على تَــركي طريق الحــق.. والآتي
**
بعيش براس مرفوعة تخلّي العالم يحسّون
بأنّي واثــق الخطوة عزيز النــفس والذّاتي
**
ولا بســـمح لذا العالــم يذمّوني ولا يقولون
بأنّي انســان متـــمادي أدوّر عن ملـــذّاتي
**
ياحامـــد قلّهم تكفى ضميــري علّهم يصحون
ضميري حيّ ما يرضـــي ولا رغبة بشهواتي
**
نسيته عمري الرّاحـــل لو انّه بيّح المكنون
ولو ضاقت احاســـيسي وماتت روح كلماتي
مســـاء الغدر والضّيقة مســاءٍ ما يجيب النوم
مســاءٍ ما يجيب الا ســــرآب الحــب واخداعه
مسـاءٍ عدّني ظالم وانا يااهل الهــوى مظــلوم
مســــاءٍ صآر يجمعني بذاك الحـــزن واتبــاعه
أمسّي قلبـــك الغافل بديــــوان العتـــب واللّوم
ترى قلبــك على قلبي تمنّى لحـــظة اوداعـــه
اخبرك والشـــتّات اللي يلمّك صار بك ملــــموم
وانا ادري بالقــناع اللّي يســــودك نازع اقناعه
اخبرك يابعد روحـــي تطالب حقّـــك المـــهضوم
بذاك الحـــب وركـــونه وزلـــزاله وزعـــزاعه
يخونونك ولا تكفي على من قالَها [محشـــوم]
يهينونك ولا تدري بظــــلم الليــل واوجــاعه
يشوفونك تنادينــي وانا وش حيلتي مهمــــوم!
سمعت الليل يهمـــس لي زمانك باع من باعه
لو انّك بس شـــاريني شريتك بالوفــآ والـــقوم
يلوموني على وصـــلك وانا رجـواي من ساعه
رجيتك بس ياالقاطـــع تعينه قلبـــي المــحروم
اخبرك من تلاقينـــي تقول الســـمع والطـــاعه
وش اللّي غيّـــرك بَعدي وانا بَعد الرياح اسموم
اثور بوجه ظلّامي واغيـــض المــوت بانـواعه
من اوّل ما سمعت انّك بذاك الخنجر المــسموم
نزيفك زوّد جروحي وزاد الشـــوق واطمـاعه
ياليتك تسأل جروحك من اللي جاب لك الهـموم
وليه اسمك جلب همّـــك على قلبك ولا زاعـه ؟
واثاريه السبب واضح لقيت الــحقّ بك مـــعدوم
تقول ان النّســـا تضعف.. أمام الحبّ منـصاعه
لعلمك والــرّجل واقع على ابواب النّسا مهزوم
يجرّ قلـــوب مفتــونة وذيك الــعيــن ملتـــاعه..
لعلمك والشّــعر ظاهر بأقــلام النّســـا مزموم
تأكّد دامـــك مشــكّك بمنهو هالخبـــر شــاعه
تشكّ بقيـمتي ياللّي رخصتك والرّخــوم ارخوم
انا بعد الرّخوم اسمي رفَعت الرّاس من قاعه
طموحك في لقب "شآعر" تعدّاه الأمل مفطوم
علآه اغبار وادري بك عيـــونك منْه مرتـــاعه
تظنّ انّ الشّــعر كلمة .. لعلمك والشّعر مفهوم
تظنّ ان اللّقــب يقدر على الماضــي وإرجــاعه
نصيـحة خلها عندك اذا صـــآر الشّــعر منــظوم
ياهآوي ينقص احساسك.. شعورك بالهوا راعه
عسى الله يجعله جرحك في ميزان القدر محتوم
وتزيد احزانــك بدربـك يا وجه الشــرّ وانواعه
والاقي الخوف بعيونك ترجّاني ياعين (اهموم)
وانا وسط النّسا أمشي رفعت الرّاس من قاعه
لا قلت برحل قلبـــك بخافقي ظل
ما عاش منهو يتركك في متاهه

يا قلب منــهو فالهوى مابعد فل
وكل السنيــن اللي تعدّت نساها

منهو يقول ان الجفا بيننا حلّ.؟
منهو يقول انّك بتجري وراها.؟

أدري نسيت وحبها فالهوى زل
وانّي شموسك لي بتذكِر ضياها

يا حاسد أَسمَع قلتها بيننا ( بَل )
الله يصيبك بالعمــى والسّــفاهه

خلني بقول بحولنــا جلّ مَن جلّ
وقل للعيــون اللي تنــاظر كفاها

يا قلبي اسمك فالحشا مابعد دل
ذاك الطريق اللي يطيق التفاهه

أدري غرامك عزّنــي والذّي ذل
ذيك الدروب اللي تعـــثّر خطـاها

منهو يقول المشكلة مالها حل ..؟
هذاك قلبــــي حلّـــها وانتـــهاها

يا خايف إدري بالهوى هالعنا قّل
وان المشاكل في دروبك طواها

قلبٍ يهيم بشوفتــك بس ما مـــلّ
يكتب قصــــيده ضمّها واحتواها

تسمع وعودي فالهوى قلتها (طل)
تتوقع انّي بندفـــن في ثـــــراها ..؟

واصدق وعودي قلتها قلبي انشَل
وعيوني اللّي فالمشـــاعر كواها

يومي اشوف ان العدو سيفه انسل
واصبح يشَوّه حبّـــنا وبشـــراهــه

أَنَا وانتِي وعِطرَ اللَّيلْ ,.
حِكَايَة حبْ مَشْمُومَة ,.
لَهَآ رِيحَة ,. تِلِفّ الكَون ,.
لَهَآ رِيحَه !

تِزُور النّور تَهْدِينَآ شُوَآرع شَوق
مَهْمُومَه ,,!
لَهَآ رِيحَه ,,
تِعِيش بْداخِل العِلْبَة !
تفُوح بْغِيض مَع صَيحَه
تصِيح بْداخِل العِلْبَة ,,
يا كَيف تْطيح يَا شَاطِر
ولاَ تَسْلَم مِن الطَّيحَه ..؟
تطيح وكلّها خَطوَة ,,
تجيبك عِندي بْسرعَه ,,!
وذيك النّاس مِجتَمْعَة ..
تحشّ بْحبّنا وتْبيح !
هذاك السرّ يا زينب ..
تِظنّين البِشَر بِتْبيح ..؟
هَذَاك السِّرّ واعمَاقَه
مَع احزَانَه مَع اشْوَاقَه ..؟
وذِيك الرَّائِحَه بتْفِيح ..؟
أَنَا قَصْدِي عَلَى الرّيحَه ,. تظنّين بْغَدرهُم بتْفِيح ..؟
انا مَقصد مِن العِلْبَة ,,
واظنّك تِفْهميني زَين !
كَلاَم النّاسْ مَا يِرحَم
تلُومِين العِطِر واللّيلْ ..؟؟


آآآهـ..يا عِطْر اللّيل لَو تَدرِي
يِمُوتْ الخَوفْ فِي صَدْرِي ,,
وانَا وِيّاك مِن بَدْرِي
تَرَكْنا رِيحَة المَشْمُوم
وجِينا نَرثِي الرّيحَه
عَلَى مَوت الشّرَه واللّوم !ْ,,

انَا مِثلِك مَهُو مِهتَم ,.
ولَكِن انّ الزِّمَن غَادِر !
تشُوفِين الفَرَح والهَمّ
تسَاوَنْ عِندي بْمُوتَك
مَهُو مِهتَم
أنَا نَاسِي تَرَى رِيحَة حِكَايَتْنا
وذَاك النُّور !
إيه (نَآسِي) ,,
والبَلاَ تِشْهَق انْفَاسِي !
( نَاسِي ) أهْلِي و ( نَاسِي )
<< شفتي الشّبه بين الكِلْمتِين ؟؟
واظَن الفَرق فِي المَعنَى ..,
كِذَا الدّنْيَا ,. تِفَرّق بيننا بالحَرف
ولكَنّ الشّبَه وَاضِح ,..
بِدُون البَوح والتّلمِيح !..,
بِدُون السَّبّ والتَجْرِيح ..
كِذَا قِصّة بلِا شُهْرَه وَلَا تَفْضِيح
واظِنّه يَكْفِي التَّوضِيح
بأَنّي وانتي وعِطْرِك ..,
حِكَآيه صَاغَهَا قَلْبِي
ومَات بْرِيحَة القِصّة..
عَلَى طَآري عُطُور اللّيل ..
يَاليت تْشُوفِي العِلْبَة !
بِدَا ينَفِذ عُطُورَ اللّيل
تَعَالِي نِشتِري وَاحِد
انَا وانتي وعِطْرَ اللّيل ,.
تَعَالِي نروح (مكياجي)
اظنّه باقِي مَا خَلَّص !!
واذا خَلّص نِلِفّ الكَون !
ونِصنَع رِيحةٍ حِلْوَة .,
تِصَبّرنَا عَلَى البَلْوَة !
وتجَمّعْنا انا وانتي وعطر اللّيل
فِي ذَاك البَيت واركَانَه
تنسّينا كَلآم النّآس ,,
تنسّينا بَعَض رِيحَة
تِزيّفها مِشَاعِرهُم ..
نعيش بحُب وبْريحَة
تِعَلّمنا عَلَى النّسْيآن !
أَجَل مِنْ زِين هَالرّيحَة..؟
يا هَالْـ مِن قَال عِطْر اللّيل .!
تِحَسِّب رِيحِتَه حلوة ..؟
انا شبّهت قِصَّتنا لِعِلْمِك بـالعطور Dior
وَلا والله مَا عِمري بَشَبّهها بـ عِطْر اللّيل !
هذولآ النّآس من قالوا : [ انا وانتي وعطر الليل ]
يا زَينَب خَلّكِي مِنْهُم !
تَرَى بَاقِي عَلَى الرّيحَة
أَحِبّك بَس..؟ قُوليها كَذَا مَرّة ..
وقولي انت يامحمّد ..احبك حب ما يقوَى
على فَرقَاك ,, ما يقوَى ,,
عَلى الأشْوَاق والصّيحه !
قولي انّك تـحبّيني !
وانا هَالمَوت بازيحه !
عَشَان تْمُوت هَالرّيحَة
ولا تبقى في ملابسنآ
تموت
ايه تمووت !
ولا تطري عطور اللّيل !
ترى نآسي أنا الرّيحة :)
دموع العين يا محمد تموت وخاطري مقهور
ياليتك بس تسمعني وتسمع نبرة احزانــي
انا لاجلك نويت ارحل وانا ادري قلبك المعذو
رفديتك لا تعذبني وتكســر نظـــرة اعيــانـي ..
جرحتك بالهوا وادري عبيرك ياعبير زهـور
ذبل غصنه ومعه قلبي يردد قسوة ألحـاني..
عذَرتك بس يا الغالي الى منّك نويت تـجور
والى منك على قلبـي تمنّى بس نكرانــي ..
ولكن ما على قلبي في حبـك ياحبيبي قصور..
لاجل تنسى وتتناسى وتجرح بلسم اجفاني ..
غلطت وبعتذر لاجلك اذا عـذري يجيب النـور
وبضوي شمعتك فيني وبدفن باقـي احزاني ..
واذا عذري فضَـح فيني هذاك الخافي المستور
طلبتك لا تبكّينــــي وتنـوي بس هجـــــراني ..!
وقعت بعالمٍ ثانــي ينادي حرفــك المـــغرور.
.وانا ادري حرفـك الأوّل خذاه العالم الثاني ..
ادوّر عن حروف اسمك واردّد صفحة الدستور
تقول انّي على شانــك وقلبـــك بس يهوانـــي ..
واشوفك ترحل وتقسى وتنسى انّك عليّ مجبور
ولا تبكي على قلبـــي ولا تنحب على شانــي..!
بخلّي حبّك الأوّل يعــيش بداخــلك مســـرور ..
وانا علّي ياليت القى حبيبٍ يجمع اوطاني.!
اظنّ انّــي ولا بلقى حبيبٍ يجبر المكسور ..
ولا بلقى بعد عينـــك حبيبٍ يفدي ازمانـــي !
لذلك خلّني برحل وابعثر شعري المبتور ..
وابعثر باقي اوراقه على حبّــك ونيراني !
دخيلك ردّ لي قلبي وقول انّـــك بعد مـــقدور
على صديّ على هجري على موتي ونسياني
طلبتك بس يامحـــــمد تلملم جرحــي المنثور
وتجمع باقي اشـــعاري وسط بحري وأوزاني
بدونك قلبـــي الدّامـــي تبعثَــر دمّه المهدور
ياليتك بس تســـمعني وتـــعذر زلّـة لساني
واذا قلبك نُوى هجري فديتك وافي ومشكور
وانا برحل اذا قصدك اصير بقلبك الثاني

اكتشفت انك أناني ., ما تهزّك دمعتين .,
واكتشفت اني احبك فوق حبّك مرّتين .,
تدري متى بنسى عنادك .؟
لين قلت الكلمتين .,
انك وانا واحساسنا ., أقصد أنا والحاجتين .,
مهما جرى بأنفاسنا ., نبقى سوى مع فرحتين .,
فرحة لقانا والهنا ., وفرحة غرامي والسنين .,
نضحك سوى نبكي سوى ,. نطوي الزمان بجملتين :
انت وانا واشواقنا ., قصة هوى ..,, تعرف دوى هالعلّتين
[ انت ] و [ أنا ] هالعلّتين ., تعرف دوانا .,
قصّة هوآنا .,
يا هل ترى باقي حنين ..؟
بقى جملة تطوي الزمان وأول الجملة حرف [ عين ]
[ ع ] ـآدي ترى لو ننتهي .,
جرحي برى يومك تلين !
وآخر الجملة حرف ناشف ., يقال انه حرف [ سين ]
[ س ] ــلآم يلوق بك واصل ., عسى موتك ما يحين .,
مير حظي مع احساسك ما نتفق لا ما يزين ...
حال قلبي مع قلبك .,
ولا به واحدٍ فينا يتركه قلبه يلين
كلما يكثر عنادك بعاند .. واترك احزاني تبين ..
يومك تروح وتندفن خلف قضبان هالوجه الحزين : (
وانا مدري بهالجثّة .. هل يا ترى انت الدفين ؟؟
ولا الزمن شاب ورحل ., ولاّ الجفا قرر يعين ..؟
اثرك ورى هالسالفة ., وصوتك ورى صوت الونين
انت من كان هالجثّة ., متّ وترى حالي آآه .. واحزان .. وأنين !
لا يهمّك يا الأناني ., موت وأنا بدفن [ أنا ]
وبترك وراي شموع .. وآهات ورعشتين ..
علبة عطر .., مابه عطر ., بس مابقى بس شمعتين !
ماتت ترى هالشمعتين .,
وانت وأنا بس حاجتين .,
ماتت ورى هالشمعتين !