قصيدة زفّة - عفيفه & يحيى ..

تعالي ياعروستْنا وطلّي بين احبابك
مثل نورٍ طغى حسنه على نور القمر والشمس

هلابك مرحبا ياللّي خدودك ورد واهدابك ..
مطر .. وعْيونك الخجله تعانق هالغيوم بْهمْس

يهنّيك البشر كلّه .. ولكن هذي اصحابك
يهنّونك بهالليلَه .. يعدّون الشّعر من أمس

عروستنا يامن وجهك يشعّ النور ع ابوابك
عفيفه ..يامطر يسقي جفاف الكون بس باللّمس

يشوفك هالبدر يخجل ..ضياه وساكن اعتابك
عيون وأنف وشْفاةٍ يحلّيها العسل بالغمْس

ياعين تْشوفَهَا صلّي على الهادي .. ويهنى بك
عريسٍ لو يشوفه شخص .. يصلّي ع النّبي بالخمس

يامَحلا طلّتك ياللّي ضياء الشّمس من جابك ..
ويَحيَى في ثَرَى حسنك .. ومن جابَه ضياء الشمس

رداً على فارس مهدي .. و"العشق"

ياخوي بالعشْق لا تهتم
محْدٍ بدنْيــــاه يهنَى بَه
لابدْ مِنْ النــّاسْ تتـــعلّم
شفْني من العشْق منْصابه !

الرّوح منّه ما تسْـــلَم
تَحيَى في ظلّه مرْتَــابَه
والنّاس حولـك مَا تفهَــم
تعشَق وَلاَ تَحسبْ حْسَابَه !

مَقدَر عَلَى خبْرك اتكلّــم
والنّاس في صُورة ذْيَـابَه
اخاف ابكي واتْلعْـــــثَم
والرّوح تَمسي "كذّابَه" !

باين في عيني حزْن وْهَمّ
خوفي من النّاس تدْرَى بَه
صفحَة همُومي يابْن العَم
لا غَاب جرحِي تغْتَابَه

محدٍ بســـِمّه يتْسَــمّم
وشلون جَرحك يشقَى بَه ؟
شفته صريع وْمَسقي سَم
والدّمْعْ يروي أهدابَــه

لا صرت نَاوي بَه تُغرَم
لازم تعوّد علَى غْيَابَه
القلب لو طَاح يترمّم
والحقّ يرجع لاصْحَابَه !

خذها نصيحَه ولا تندَم
قبل الجسَد يحضن تْرابَه
فـ العشْق اشْوالك تُظلَم
ربّك تَرى فاتح ابْوابَه !