الخميس، 25 نوفمبر، 2010

مُقتَطفه 20 ~

لا تَكْتِب اسْمي يا الغلا " بين قوسين "

أخاف والله يكبَر الهمّ فيني !



خلّ الإسِم يتْبَحْبَح فْـ سَطْر , سَطْرين

يمكن يضيع الهَمّ من بينْ ايديني


همّين فوق الهَمّ يا صاح , هَمّين

هَمٍ غزاني يوم شَافَتْك عيني



وهَمٍ سكَن في مُهجتي عام ألفين

وْعايش لِيُومك مانزَح ..من حَنيني



والهَمّ الاكبَر زارني قبْل يومين

بس السَبَب مابـان , عيّا يبيني

مُقتَطفه 19 ~

من يوم حبّيتك وانا دنيتي غير

كِلْ يُوم حبّك دون ماحسّ يكبَر



حبّ وْغلا واشواق مَع زود تفكير

يمكن كثر أشْواقِكْ او يمكن اكثَر


الأوّل اللي لك على القلب تأثير

والآخر اللي بَك فؤادي تأثّر



القلب لك ياصاح لو أيش مايْصير

يا إنْت ولّا صَكّه الشّمْع الاحمَر

السبت، 20 نوفمبر، 2010

مُقتَطفه 18 ~

بِدُون ذكْر اسْمَـاء يا قـاري النّص
بفصح عن اللّي بالغلا يحتويني

شعري بِـ فَن الحب والعِشْق مُختَص
حتّى تَجَاوُز حَدَّها طبْع فيني

ماهو مجرّد بوح وابيَات تنْرَص
ولّا مشاعر من وَلَه تعتريني

تدري !؟ مدام انّ الحكي لَزْم ينقَص
خلّ الحكي ينقال بيني وبيني


14

عَزيزي الشّوق : بِخْصُوص السّهَر ومْناطَر الأحبَابْ .... مِثالاً بالسّهَر ودّك تِزَوّد لي معاناتي !!؟

13

كلّن تمنّى لي الحزِن والتَعاسَه .... هذا وانا حطّيتهم فوق راسي !!

11


واليُوم كنّه أجمَل ايّام الاسبُوع .... عانَقْت يوم العيد بعْنـاق صوتك !!!

10


اليُوم كنّه أسوَأ ايّـام الاسبُوع !... وشْلُون مرّ بدُون ماضمّ صوتك ؟

9


أرتَـاح لا نَـاديتِني " يا الأميــره " .... تزيدِني هيبه , شموخ , وْتواضع !

8

العِيد هَلّ وهَلّ شُوقي لِـلِقيَـاكْ ... باقي أشُوفك واقلِب العيد عيدينْ

الله يكمّلْ فَرحَة العيـد ويّـاك ... يا "راشد القَلْب" وْضيَـا الرّوح والعينْ

7


الحُبّ أعمَى مثْلِمـا قالَوا النّـاسْ .... وانَـا تَرى أبْصَرتْ من بعْد حُبّك

6

كَـان الوَعَد في صبْح يوم الأربعاء ... حتّى نَقَضْ وَعدَه وظَلَّمْ أربعاي !

5


ماتَفرق انْ مِتّ بْسبَبْك او سبَبْها .... تتْعَدّد الأسبَـابْ والمُوت واحد !

4

مَدري وش اللّي في حيَاتي تغيّر .... بس المُهمّ انّي بدونك حَزينَه !

3

كان الأمَل في شوفتك شبْه معدُوم ..... وامسيت ولاّ صدْق ماعاد شفتك !

2

لِلحزْن في عيني مداخيل وابْواب .... مالُوم حظّي يوم سمّاني هْمُوم

1

خَذْت احتياطي أنصدم فَـ اْقرب النّاس .... بس ماتوقّعْت أنذبح وانصدم فيك !

الجمعة، 5 نوفمبر، 2010

مُقتَطفه 17 ~

قال لي ببيت مكسور :

كنت باضيفك بس يازين بطّلت
اسمك هموم !!! وترى الهم كافي

فـ كان ردّي عليه :

ياخوي إي والله مثِل ماتفضّلْت
إسْمي يجيب الهّم والهمّ كافي

إن كان قصدك شفْتْ إسمي وأجّلْت
الأمْر لكن عندك الأمْر خافي

وان كان مابتْضيفِني ماتعطّلْت
يكفي كسَبْت اقوام باسباب قافي





الخميس، 4 نوفمبر، 2010

مُقتَطفه 16 ~

دخلت " فيسي " وامْتلَتْ صفحَة الشّات
قَفّلْت شاتي وازْعجَتْني الرّسايـل

...أهمَلْتَها جَتْني عليها إشَـارات
قلْت التّعامل صعْب والحظّ مايل

مالي مزاج ادخل معك في متاهات
رغْم انّ يلزَمْ لي .. مثِل مانْت قايل :

أجامل اللي ردّ في صلْب الابيات
يلزَم علَيّ اليُوم ردّ الجمايل !

هذي جزاة اللي تجيه الإضَـافات
وْيقبَل وتعمَل فيه ذيك العمايل !

الأربعاء، 3 نوفمبر، 2010

مُقتَطفه 15 ~

ماظنّتي بهْواك يا صاح هالحين

لاتْجيب طاري الحبّ مَلعُون عمّه


أجّلْت مشْروع الغلا لين بَعدين

إلى أجَلْ ياصاحبي مُو مُسمّى


نصيــحةٍ منّي فَـلا هنْت يازين

إحذر تحبّ بْوقْت محدٍ يهمّه



حتّى أنَـا عندي بِهالوقْت " وجهين "

ساعات اخون اللي بِقَلبي أضمّه



لا تامن انسانٍ عرَفْتَه في يومين

تَحسَبْه طيّبْ والقسَاوه في دمّه