الاثنين، 8 فبراير، 2010

ليــتك مطَر !






ليتك مطر .. ليتك مطر ..
اشرب جفافك واشربك ..
وان ما اْرتويتك أمطرك ..
ايه امطرك .. دامك جفاف ..
وابكي بَعَد .. فوق الضفاف ..
يمكن دموعي تمطرك ..
وآصير انا بعدك مطر !




ليتك مطر .. يروي رمالي كلما .. ارضي قسَت !
ليتك مطر .. تغسل عيوني والألم ..
واتذكّرك فوق الرصيف ..
من بعْد ماعيني نسَت ..
واسأل دموعي وينَهَا ..
كانت ترى تتأمّلك ..
قطرة مطر .. ؟ ولاّ ألم .. ؟
ليتك ألم ... بتحمّلك ..!
ولاّ مطر و"اتألّمك" !
طفلة انا .. تحتك اروّي مبسمي ..
تحت المطر .. امشي وتحتك ارتمي !
طفلة انا .. ماتحتمل .. بردك ولا لك تنتمي !

بردك قسى يا صاحبي .. بردك قسَى ..
وصمتك غزَى بحري .. وياليتَه رسَى !
الاّ على طاري البحر ..
وين المَسا ؟
جفّ المطر ؟ .. مات البحر .. قلبي انتسَى !
مابَه مسَا .. قصدي مطر ..
يومك نسيته هالبحر !
عمرك سمعت ان البحر .. عايش بدونك والمطر ؟

كنّك مطر ..
تشبه رحيلَه في نهاية كل شتا ..
لكنّ صيفك ماوعدني بالرحيل !
يرحل متى ؟
قلبي بحاجة للشتا !
دامك مطر !
يرحل متى ؟
وآضمّ بردك وانحته ..
فوق الصخر ..
دامك مطر ...
يمّ الدريشه بنتظر .. وارسم على سطح الزجاج ..
علبة عطر .. يتّمتَها .. خلّيتها ..
من دون ريحة شفتَها ..
وحلمي بدونك انتهى ..
يتّمتني .. يا هالمطر ..
وماحنّ قلبك لي انا ولاّ لها !؟

ليتك رياحي يامطر .. ادفى بدونك "واتبعك" ..
وارتاح منّك "واتْعَبك" ..
وارمي العواصف كلّها .. وتبقى الرياح ..
وتهزّني ..
وتهزّني ..
وتهزّني ..
وآطيح بعدك واتبعك !
وانهك جنوني.. وارتحل فيك واضيع ..
ليتك رياح ..؟
يكفي برودك لي رياح ..
قلبي دفا .. والبرد يسكن منبعك ..
ليه اتبعك ؟
وانت الرياح ؟
صبحك "مسا" .. ليلك "نسى" .. وجه الصباح ..
اثرك عواصف .. مو مجرّد بس رياح ..
جفاف ..
جفاف ..
والبرد يسكن منبعك !

الجوّ كاسيه الضباب ..
والحب يعلوه الغياب ..
وآنا بدونك يامطر .. مثل السحاب ..
تحت السما .. لوني عذاب ..
مثل الورق .. اكتب قصايد واحترق ..
والحرف يرحل لو تروح ..
ويصيبني بعدك جروح ..
ماتنتهي .. تبكي تنوح ..
والمشكله انّي بدونك اعشقك ..
والعشق مثلك يامطر لا مايروح ..
وكلْما يزيد .. المشكله لازاد .. صمتك مايبوح !
يا هالجفاف ..
ليتك بحر..
اعزف على قلبك أناشيد المطر ..
وليتك مطر ..
تضمى الى منّك رحلت ..
واوريك منّك .. واشربك ..
في الوقت نفسه امطرك ..
ليتك مطر ..
كلما رجعت من السفر ..
القاك تمطر لي رجوع ..
وتضْوي طريقي بالشموع ..
وْماتنطفي دامك مطر ..
ارويك منّك .. واشربك .
وان جفّ قلبك .. امطرك !

ليست هناك تعليقات:

إرسال تعليق