الثلاثاء، 21 أبريل، 2009

دموع العين يا محمد تموت وخاطري مقهور
ياليتك بس تسمعني وتسمع نبرة احزانــي
انا لاجلك نويت ارحل وانا ادري قلبك المعذو
رفديتك لا تعذبني وتكســر نظـــرة اعيــانـي ..
جرحتك بالهوا وادري عبيرك ياعبير زهـور
ذبل غصنه ومعه قلبي يردد قسوة ألحـاني..
عذَرتك بس يا الغالي الى منّك نويت تـجور
والى منك على قلبـي تمنّى بس نكرانــي ..
ولكن ما على قلبي في حبـك ياحبيبي قصور..
لاجل تنسى وتتناسى وتجرح بلسم اجفاني ..
غلطت وبعتذر لاجلك اذا عـذري يجيب النـور
وبضوي شمعتك فيني وبدفن باقـي احزاني ..
واذا عذري فضَـح فيني هذاك الخافي المستور
طلبتك لا تبكّينــــي وتنـوي بس هجـــــراني ..!
وقعت بعالمٍ ثانــي ينادي حرفــك المـــغرور.
.وانا ادري حرفـك الأوّل خذاه العالم الثاني ..
ادوّر عن حروف اسمك واردّد صفحة الدستور
تقول انّي على شانــك وقلبـــك بس يهوانـــي ..
واشوفك ترحل وتقسى وتنسى انّك عليّ مجبور
ولا تبكي على قلبـــي ولا تنحب على شانــي..!
بخلّي حبّك الأوّل يعــيش بداخــلك مســـرور ..
وانا علّي ياليت القى حبيبٍ يجمع اوطاني.!
اظنّ انّــي ولا بلقى حبيبٍ يجبر المكسور ..
ولا بلقى بعد عينـــك حبيبٍ يفدي ازمانـــي !
لذلك خلّني برحل وابعثر شعري المبتور ..
وابعثر باقي اوراقه على حبّــك ونيراني !
دخيلك ردّ لي قلبي وقول انّـــك بعد مـــقدور
على صديّ على هجري على موتي ونسياني
طلبتك بس يامحـــــمد تلملم جرحــي المنثور
وتجمع باقي اشـــعاري وسط بحري وأوزاني
بدونك قلبـــي الدّامـــي تبعثَــر دمّه المهدور
ياليتك بس تســـمعني وتـــعذر زلّـة لساني
واذا قلبك نُوى هجري فديتك وافي ومشكور
وانا برحل اذا قصدك اصير بقلبك الثاني

ليست هناك تعليقات:

إرسال تعليق