الثلاثاء، 21 أبريل، 2009

لا قلت برحل قلبـــك بخافقي ظل
ما عاش منهو يتركك في متاهه

يا قلب منــهو فالهوى مابعد فل
وكل السنيــن اللي تعدّت نساها

منهو يقول ان الجفا بيننا حلّ.؟
منهو يقول انّك بتجري وراها.؟

أدري نسيت وحبها فالهوى زل
وانّي شموسك لي بتذكِر ضياها

يا حاسد أَسمَع قلتها بيننا ( بَل )
الله يصيبك بالعمــى والسّــفاهه

خلني بقول بحولنــا جلّ مَن جلّ
وقل للعيــون اللي تنــاظر كفاها

يا قلبي اسمك فالحشا مابعد دل
ذاك الطريق اللي يطيق التفاهه

أدري غرامك عزّنــي والذّي ذل
ذيك الدروب اللي تعـــثّر خطـاها

منهو يقول المشكلة مالها حل ..؟
هذاك قلبــــي حلّـــها وانتـــهاها

يا خايف إدري بالهوى هالعنا قّل
وان المشاكل في دروبك طواها

قلبٍ يهيم بشوفتــك بس ما مـــلّ
يكتب قصــــيده ضمّها واحتواها

تسمع وعودي فالهوى قلتها (طل)
تتوقع انّي بندفـــن في ثـــــراها ..؟

واصدق وعودي قلتها قلبي انشَل
وعيوني اللّي فالمشـــاعر كواها

يومي اشوف ان العدو سيفه انسل
واصبح يشَوّه حبّـــنا وبشـــراهــه

ليست هناك تعليقات:

إرسال تعليق