الأربعاء، 7 أكتوبر، 2009

حفلة زواجي

لا جيت ابكتب خلّصَت كل الافكار
مدري وش اكتب صاب عقلي ارتجاجي


صارت حياتي من رَحَل دون إنذار
مثل الظلام اللّي يعكّر مزاجي ..!


ساد الضباب وتسبقه زحمة امطار
ماغير ريحٍ كسّرَت لي زجاجي !


عقْب المشاعر والوَلَه صَار ما صَار
رحلَة شتا والبَرد صَعَّب علاجي


اخطار.. دَربي يا بشر كلّه اخطار
قلبي تعثّر من طِفَى بَه سراجي


باقي شَهَر وارحَل أنا بعد إصرار
بَعض البَشر ناوي يعجّل زواجي


يا ولد عمّي لك تَرى بَعض مقدار
ولْعلم قلبك لك يزيد احتياجي


كنّا صغار وليتنا باقي اصغار
يزعجْك دايم لو يبين انحراجي


صحيح صرنا في الهوى يمكن اكبار
مير الهَوى أدري بيطلق حجاجي


غدّار والله هالزمن صدْق غدّار
ما ظنّتي والله يفكّ انفراجي


ماعاد ينفع هالرّجا بعد ما صار
بعض البشر عَجَّل بحفلة زواجي

ليست هناك تعليقات:

إرسال تعليق