الجمعة، 30 أكتوبر 2009

صدفه !


يا الصّدفه اللي جابته في دروبي
لي دقّ رقمي بالغلط ..قال غلطان

رديت اهزأ : لا تجي يوم صوبي
قال : اعتذر ماني على الصدّ قويَان

دوبي اقفّل.. قول قفّلت دوبي
قفّلت منّه واتصل قال ولهان

قلت امتزوّج .. قال بدري (عزوبي)
ما شدّ قلبي فـ العمر صوت انسان

من دون مااحكي يكتشف لي عيوبي
عارف طباعي قبل ما ينطق لْسان

ماكنت اظن انّي بتخفق قلوبي
من جابت الصدفه خطاويك يا فْلان

مانيب قدّك لا ولا منْك ثوبي
لكن خفوقي فزّ لك صدق من ثان

لايكون حبّك خافقي يالـ عذوبي؟
لايكون قلبي في موانيك عشقَان؟

ليست هناك تعليقات:

إرسال تعليق