يمــّــــــــــــــه !

ذبحني الشوق يا يمّه وصارت عينيَ اليسرى
تعاتب عيني اليمنى على فرقآك وغْيابك

بدونك والله يا أمّي .. جروحي ما هَقَى تبرى
تعالي حيل ضمّيني .. انا مشتآق لتْرآبك !

ذكرت ايّامك الحلوه .. وثارت فيني الذكرى !
ذكرت انّي قسيت اوّل .. وصكّيتي عليّ بابك

تضنّيني بغيت اقسى ؟ وإنتي يا هَوى أدرى
عن اللي يختلج صدري .. واظنّ الكون أدرى بك

يايمّه يوم لو رحتي .. وش اللّي فـ الزمن يجرى ؟
يصير الكون يترجّى .. يريد اليوم يهنى بك !

وانا من يوم قفّيتي .. تدور بْـ راسيَ الفكره ..
اقول شلون شلتيني .. ولآ كنت احسب حْسآبك !!

حملتيني تِسِعْةَ اشهر .. والين اليوم ولْـ بُكره ..
تضمّيني مثل طفلٍ تشبّث بآخر ثيآبك ..

حميتيني من الدنيآ وصآر الخوف ما يُطرى ..!
نسيت الخوف بوجودك .. ولكنْ عيني تْهابك !

تعلّمت انطق ْحروفك .. تعلّمت اكتب واقرا ..
وأوّل ما كتبت اسمك .. واظنّ الشوق من جابك

سمعتي الصّوت يندَه لك .؟. عرَفتي صاحب النبره؟
أنآ يمّه اقول اسمك.. دخيلك فكّي ابوابك

دخيلك فكّي ابوابك .. انا مشتآق من فَتره ..
يايمّه حيل ضمّيني .. انا مشتآق لـ تْرآبك !