الخميس، 12 نوفمبر، 2009

ظلـــم !

يا شين جوّ البارحه يوم صاحت
ذيك النّسا .. يومك تصدّد سؤالي

الاّ وربّك بعدما النـّاس راحـت
وش آخرة ظلمك يا شين الفعالي؟

ظالم وجاير والبشر منْك ناحت
ناهيك عن قسوة ضميرك وتالي

دام النّسا من عين هالنّاس طاحت
ما طاح قدرك من عيون الرّجالي؟؟

ما لاح برقك يوم لِبْروق لاحت ..
ماشاع صيتك فوق صدر المعالي

سيرة حياتك مثلما الريح فاحت
حسن السلوك ألغَاه شيٍ جرالي

قاسيت غدرك والجروح استباحت
مثلك بشر ما يوم مثلك طرالي

يدّك عن الحسنا والافضال شاحت
يقطع يمينك يا شحيح الرّيالي ..

مامْدَى همومي عن مدَى الدرب زاحت
الاّ وهمومي عادَت بْراس عالي

لازمت صمتي لين الايّام باحَت
باح النّهار افعال تالي اللّيالي

فرصّة حياتي بعد هالعمر تاحت
يكفي فضحتك يوم ما عدْت غالي

ليست هناك تعليقات:

إرسال تعليق