ظنّيت بين النّاس والنّاس شتّان
دام الاصابع تختلف عن بعَضْها
بس الحقيقه كلّهم نفس الالوان
كتلة حقايق بس عقلي رفَضْها
دام الخديعه والكذب مثل الالحان
صارت تُغَنّى والبشر من فَرَضْها
حتى الضماير باتت بْدون عنوان
ليت الضماير ما نسَاها وَعَضْها !
أدري ضميري حيّ وان كآن منْهَآن
غير الحقيقَه يا زمَن ما لفَضْهَا
يا كيف اصدّق هالنّقايض والانسان ..
عَزّ النقايض .. والحقايق نقَضْها
الناس مَرضَى بالكذب والكذب بان
وسْط الجبين وْما تلَآشَى مَرَضْها
حسبي عليهم مابَه عْلاج مجّان
ينفض عقولٍ هالبشر ما نفَضْها
ساعات اقدّر فوق الانسان .. حيوان
لانْ البَهايم ما تشَآبَه غَرَضْها
مابَه كذب مابَه غدر مابَه احزان
مابه قلوبٍ تحترق من بغِضْها
بافضّ سيره عن غرابيل الازمان
اصلاً ضميري حَسّ فيني وْفَضْها
طال الزمن ولاّ قصَر مابَه انسان
قصدي أصابع تختلف عن بعَضْها
ليست هناك تعليقات:
إرسال تعليق