قَلبي عَطَاك سْيُول وانهَار وامْطاَر
من طاريَ الحبّ وتَرَك لك عَمَاره
الطّابق الاوّل غَزَل ويّـا اشعار
والطّابق الثّاني عَتَب يا خسَاره
لا صِرت تاخذ قَلب من غير إيجَار
قصدي اقول القلب لك .. باعتباره
قلبٍ يحبّك والهَوى فيه أسرار
"إعطي ولا تاخذ" يا غالي شِعَاره
قَلبي مكَانك لا وَلا فيه زوّار
حبّك منَع ع الغير فيه الزّياره
أشهد بإنّك فـ الحشَا مَصدَر النّار
أشعلت قلبي لين أعلَن دمَاره
لاغبت عنّه صَار مَطلي بـ الغْبار
وان جيت صابَه من جنُونك إثَاره
ياحبّ غارَت من عذُوبَتْه الانهَار
والطُّهْر سَاكن فيه ..دَاير مَدَاره
ليست هناك تعليقات:
إرسال تعليق