ألا ياعمري الراحـــل ضميـــرك بيّح المكنون
سلب مني احاسيـــسي وجفف روح كلمـاتي
**
ألا يا قســـوة الدنيآ خيـــآلك زارني مفتـــون
.تجمّـــل لي وانا غافـــل اظنّـــه يمحي آهآتي
**
ألا يا قســـوتَه خلّي نســــاني والغرام جنون
هويتـه بس لو يدري غرامــه صآر وجهآتي
**
ألا ياشوق لو تدري زماني في الهوى مطعون
طعـــنّي وانجرح صدري وخابــت فيه نظراتي
**
خيانة واقصمَت ظهري كسير وخاطري محزون
خيانة واجرَحَت فيني شـــعور العاشــق بذاتي
**
شعوري بالهوى ذابل ضميره في الزمان يخون
تخونــه نظــرة عيوني وذاك النــــور بشــفاتي
**
كتبت اشــــعار منثورة ولا بيتٍ بها مــوزون
ولا به بيـــت يجمعني ويجمـــع باقي اشتاتي
**
من اوّل بيت بس ابكي واطالب فالهوى قانون
يحاكمني وانا ظالــــم ويختــــم باقي ابيــــاتي
**
انا عنده انا الظالــــم وقلبي بالجفا مسكون
وانا مظلـــوم لو يدري بصادقــها عبـــاراتي
**
حلفت وقلت له مابه ســـواه بعالمي مدفون
ولابه شخـــص يستـــاهل احطــه في بداياتي
**
كتمت الشوق في قلبي حفظت الحب لو يكفون
وتالي العمـــر يطعنّي ويطعن كل رغبـــاتي
**
الا يا كل هالعـــالم حقيقة شلون ما تدرون!
كتبت ســـطور ترويني وذابت كل روايــاتي!
**
ألا يآ شــآعر اكتبني بلا راوي ولا يهونون
يا شــآعر باقي ابياتك...ولا هآنت نهــاياتي
**
نهاياتي تقول انّي انا الدايــن وانا المديـون
وانا النّــاوي على صدّه وانا النّــاكر علاقاتي
**
ياشين الظلم صار اقسى من انواع السيوف بدون
رحابـة صدر صاحبها وانا مظــــلوم باوقاتـــي
**
ألا يآ شآعر اترجّى تســـلّه سيفك المسنون
وتشهر حربــك بقلبـه وتعلن عن وصاياتي
**
ابيك تصيغني قصـة لها عبـرة لها مضمون
تثير اشـــعور من شـــكّك برغبــاتي ونيّاتي
**
تخلّي من طعن قلبي يصيـــر بطعنته مجنون
يشوف طيور مجروحة ترفرف في مساحاتي
**
ألا يآ شآعر افهمني قصيدك كامل ومزيون
ولك ديــــوان من قدك يعدّد آخر امـــواتي
**
انا من مات في حبي عددهم بالهوى مليون
وآخر شخـــص عذّبنــي وزوّد من معــاناتي
**
ولا به شـــاعرٍ غيرك يهيـــم بحالتــي بفنون
يا حامـد بس من غيرك يهيم بوصف حالاتي
**
والى منّي نسيت امسح دموع اللي عليّ يبكون
دخـــيلك لا تـــلوم اللّي تســـبب في عذابـــــاتي
**
نسيته واصبحت عيني تدوّر في الغرام عيون
بدون دمـــوع تجرحــــني ولا تقتــل هواياتي
**
ولا بسمح لذا الدنيا تعيّشني وانا مغبــــون
انا نادم على تَــركي طريق الحــق.. والآتي
**
بعيش براس مرفوعة تخلّي العالم يحسّون
بأنّي واثــق الخطوة عزيز النــفس والذّاتي
**
ولا بســـمح لذا العالــم يذمّوني ولا يقولون
بأنّي انســان متـــمادي أدوّر عن ملـــذّاتي
**
ياحامـــد قلّهم تكفى ضميــري علّهم يصحون
ضميري حيّ ما يرضـــي ولا رغبة بشهواتي
**
نسيته عمري الرّاحـــل لو انّه بيّح المكنون
ولو ضاقت احاســـيسي وماتت روح كلماتي
ليست هناك تعليقات:
إرسال تعليق