الثلاثاء، 8 سبتمبر، 2009

شفآتــــــــه !

مساء بنكهة السّكر .. مساءٍ يشبه البلّور
عليك القي تحيّة حب .. تليق بوصفك الراقي


من اجمل ما خلق ربّي ..صفآتك كلّهآ من نور
حسبت النّور بحْضورك لهيبٍ ينوي احراقي !


من الأعلى إلى الأسفل .. بنيت مْن الجمآل قْصور
خذيت الزين والباقي ؟ وش الباقي وش الباقي ؟


مشآعر تحتوي قلبي .. تفزّ وتحترق وتْـثور !
وكنّي شايله بْقلبي .. مشآعر هزّت اشواقي

صحيح انّك بشر لكن جمآلك صآبني بشْعور
شعورٍ يشبه (الكلمه) اذا ضاعت من اوراقي !


وش اوصف بس وش احكي ؟ اقول اللؤلؤ المنثور ؟
وسط شفّه تقول انْهآ عسل مشتآق لعْنآقي !


شفايف كنّهآ سكّر .. وصآرت للجمال قْبور
وله سكسوكةٍ صآرت لـ ورد شْفآته السّآقي


يقول القلب خلّيني .. بدوّر غيره (المغرور)
حشا غيرك يا بو هاشم حشا والله مو لاقي!


لو انّي ما بغيت امدح .. ولكن بيّح المستور
غرامك وانجبر قلبي يرددهآ من اعمآقي :


عسل والله .. عسل والله.. شفآتك والشّعر معذور
لو انّه والله ثمْ والله.. كلام ينآقض اخلاقي !


صحيح ان (الحزن) لوني .. ولكنّ (الغزَل) مهذور
من احساسي الى منّك قدرت تْشبّع اذواقي


وازيدك في الشعر بيتٍ انآ لي من ثمآن شْهور
احآول اكتب ابياتٍ تليق بوصفك الراقي !

هناك تعليق واحد:

  1. جميلٌ جداً ما قرأت .. والأجمل أنها أنتِ أخت رنا !!
    قرأتها كلها..( ربما لم تكن الأولى لبعضها )
    متصفحك أختاه يفوح بعطر حرفك !!
    ولي كـ غيري من زائريه أن أشدو به

    /

    صح لسانك ,

    وموفقه دائماً

    .

    ( زائرٌ مجهول :p ) بس أحمل الجنسية :D

    ردحذف